3loom 4 ever

لا اله الا الله محمد رسول الله
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 هااااااااااااااام لطلبة الفرقة الاولى

اذهب الى الأسفل 
كاتب الموضوعرسالة
الفراشة S



عدد الرسائل : 17
العمر : 28
تاريخ التسجيل : 18/02/2010

مُساهمةموضوع: هااااااااااااااام لطلبة الفرقة الاولى   الجمعة فبراير 19, 2010 5:13 am

بسم الله الرحمن الرحيم
ده مش موضوع دردشة بس مش عارفة الاقيله مكان تانى
الكلام ده طبعا مهم خاصة لطلبة الفرقة الاولى اللى هيدخلوا قريب ان شاء الله

الكثير منا لايعرف ماهى كليه العلوم وما يدرس بها من مواد واقسام ولكن يجب علينا ايضاح كل المعلومات لمن يريد ان يعرف




تعريف الكليه :
هى الكليه التى يدرس بها كل العلوم الحيه والغير حيه الخاصه بالطبيعه من حولنا
لا ندرس فيها اى من المواد الادبيه او التاريخيه ونختلف تماما عن كليه دار العلوم
والدراسه باللغه الانجليزيه
ولكن الدراسه فى سنه اولى باللغه العربيه (فى بعض المواد)
والدراسه على اربع سنوات (قابلة للزيادة بس سبحان الله ربنا بيسهلها)



اقسام الكليه الرئيسيه


1- قسم الكمياء chemistry


ويأتى تحته كل فروع الكمياء




الكمياء الحيويه BIOCHEMISTRY بس ده بيعتبر تبع البيولوجى






( وتدرس فيها جميع التفاعلات الخاصه بالكائن الحى وخصوصا جسم الانسان )



وهى من اقوى الفروع فى الكمياء وتفتح مجالات عمل للمتخصصين فيها مثل التحاليل والادويه والكمياء الطبيه
ومفهوم الكمياء الحيويه يخرج منه الكثير من التخصصات الحديثه الجديده اللى كانت غير معروفه فى السابق


مثل تخصص البيوتكنولوجى وهو التخصص المختص بدراسه الكمياء الحيويه فى التطوير والتكنولجيا مثل تطبيقات DNA

وتخصص الكمياء الاكلينيكه ( السريريه ) وهو علم الكمياء المسئول عن تشخيص الامراض
(وظائف الجسم المختلفه من كلى وكبد وقلب ودهون ومعادن)


وبذلك اصبح المفتاح او الحل السحرى لمن لم يستطيع ان يلتحق بكليات الطب البشرى

ان يلتحق بكليه العلوم ويقوم بدراسه تخصصات التحاليل الطبيه

عن طريق دبلومات وماجستير ( دراسات عليا )

ويصبح اخصائى تحاليل طبيه






الكمياء التحليليه


( ويدرس فيها كل مايخص التحليل الكميائى لاى شئ بالقوانين والمعادلات والنظريات

وتاتى فى المرتبه الثانيه من الكمياء لارتباطها الشديد بالاجهزه التحليليه

ويكون المتخصص فيها قدر على استخدام شتى انواع الاجهزه فى المصانع والمستشفيات ومراكز البحوث و الجامعات



الكمياء العضويه


( ويدرس فيها كل مايخص العضويه من تفاعلات خارج الجسم وفى التربه وفى الطبيعه

وهى مرتبطه كثيرا بالصناعه فى مختلف المجالات )



الكمياء الصناعيه


( ويدرس فيها المواد الصناعيه مباشره وبعض المؤثرات والعلاقات فى الصناعه )


وهناك مواد اخرى كثيره ولكن لن اعرف وصفها بالعربى او حتى اسمها مثل

spectroscopy الكمياءالطيفيه

- sterochemistry الكمياء الفراغيه

- inorganic chemistry كمياء غير عضويه

- physical organic- quantm-
natural product - and more









ومن هنا تجد ان الكمياء هى من اهم متطلبات سوق العمل لانها تدخل كل المجالات لذلك قامت الكثير من كليات العلوم بوضع التخصص المذدوج مع اى فرع اخر يعنى التخصص ومعاه الكمياء



لعلمك اقوى قسم كمياء هو علوم القاهره واقوى كمياء حيوى هو عين شمس

والعيب الموجود فى الدراسه بالنسبه للكمياء لايوجد تخصص للجوده فى كليات العلوم على الرغم من ان معظم العاملين فى مجال الجوده خريج علوم

2 - قسم البيولجى
وينقسم الى ثلاث اقسام

قسم zoology علم الحيوان

وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
طبعا قسم ابحاث ومواد بحثيه


قسم Botony علم النبات
ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا
بدراسه الفيروسات

وهناك قسم microbilogy الميكرو بيولجى
وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه
لاهميته فى الابحاث............بس صعب جداااااااااااااااااا
(وحلو وجميل فى نفس الوقت)

بيدرس كل البكتريات والفطريات والفيروسات وطبعا مش هقولكم اللى هيدخل القسم ده هيقرف من كل الاكل والشرب لاننا طبعا بنزرع الحاجات دى على وسط غذائى ونشوف بقى كل ما لذ وطاب من البكتريات اللى طبعا بناكلها.....زبس ولا يهمكوا سموا بالله وكلوا

وطبعا لاننسى ان كل من هذه التخصصات مزدوج مع الكمياء حتى يسهل وجود فرصه عمل فى بلد لاتعرف معنى للبحث العلمى

ويأتى بعد ذلك

قسم الجولجيا


وهوقسم يختص بدراسه سطح الارض ومافيها من معادن وغيره

قسم الفيزياء

قسم خاص بالتجارب والقوانين والعلاقات الرياضيه والدوائر الكهربائيه

قسم الحاسبات والرياضه

وهوقسم قوى جدا ومعقد جدا ولكنه مطلوب فى سوق العمل



اعتذر عن الايجاز فى تلك الاقسام لانها ليست تخصصى


وكان هذا موجز عن الاقسام الاساسيه فى الكلية

وسنتحدث لاحقا عن كل اخبار الكليه بدايه من التنسيق وتوزيع الكليات فى مصر
وعدد سنوات الدراسه وكل اخبار الكليه
انتظروانا

مش هتقدر تغمض عنيك

التنسيق

تاتى كليه العلوم فى المرتبه الثالثه فى كليات القمه العلميه
فهى لاتتخلف كثيرا عن كليات الطب والصيدله والعلاج الطبيعى واسنان والهندسه بانواعها


وتتوزع كليات العلوم فى جميع جامعات مصر من اسكندريه الى اسوان
ولكن ليس هناك اى تنسيقبين هذه الكليات وبعضها
فمواد الدراسه هنا والاقسام تختلف تمام عن هناك وهكذا


وبعد دخولك الكليه تقوم بكشف طبى اى كلام وعمى الوان
وعلى الرغم من ان الدراسه تعتمد فى العملى على الالوان الاانه ليس له قيمه هذا الكشف

نظام الدراسه :

اربع سنوات ممكن اكتر مش اقل


تنقسم سنه اولى الى مجموعات عامه تؤهلك لدراسه والتخصص بعد ذلك
والمجموعات على حسب مواد الثانويه العامه ودرجاتها

الصف الثانى تكون تخصص عام مثل بيولجى
الصف الثالث والرابع تخصص اكتر مثل حيوان - او غيره


وطبعا التخصصات الحلوه هتلاقيها بتقدير لدخولهامن سنه 2
زى كمياء منفرد - كمياء حيوى - ميكروبيولجى



اصعب سنه فى ناس بتقول اولى وناس بتقول 3 او 4
انا عن نفسى اعتقد ان الاصعب اولى مش علشان موادها صعبة لا لاننا لسه داخلين من ثانوى مش عارفيين المصايب اللى داخلين عليها
بعد كده تانية بقى كلها انجليزى بس هتكون اتعودت شوية
اما تالتة فمن رايى هى اجمل سنة واحلى تقدير
رابعة بقى حاجة من اتنين :
يااما زهقت م الكلية وتعبت وده طبيعى جداااااااا
بس برده هتوحشنا ايام الكلية والصحاب
يااما بقى بتموت نفسك علشان التقدير والبحث والمقال اللى شاغل تفكيرك وحاجات تانية كتييييييييييييير
وف كلتا الحالتين فهى برده متعبة
لا والاهم كل الدكاترة يدخلوا يقولوا ايه انت سنة رابعة.......زانت الخريج.انت اللى تشرح.....وتحضر.......وتبحث ووووووووو...........وفى النهاية امتحان صعب..


العمل
طيب انت خلصت الكليه هتشتغل ايه؟؟؟؟؟؟؟؟؟؟
بصراحة لسة مخلصتش علشان افيدكم يااااااااااااااريت حد خلص يحكى لنا......
بس اعتقد:

انت اسمك كميائى او لو تخصص مذوج ممكن تسمى نفسك بالتخصص الثانى (بيولجى -جيولجيى - فيزيائى )

المجالات المتاحه فى سوق العمل كتير جدا ولكن اشهرها

( اخصائى تحاليل طبيه - مهندس جوده - باحث- مهندس بترول - مندوب شركات ادويه medical rep.وفيه كمان لقسم الميكرو بيولوجى فى معامل تحلل الاغذية او شركات مياه الشرب
التدريس فى المدارس بكافه مراحلها -- التدريس فى الجامعات- تخصصك نفسه كميائى او فيزيائى )


مع التنبيه على ان المسمى الوظيفى والتفاصيل تختلف من مكان الى اخر وعلى حسب شخصيتك هتفهم بعدين

التحاليل الطبيه :

عند تخرجك من الكليه اسمك كميائى ولكن عند حصولك على دبلومه او ماجستير بتقوم باستخراج كارنيه اخصائى
على الرغم من التعيين فى الحكومه تحت مسمى وظيفه اخصائى تحاليل دون دبلومه او ماستر

فى المعامل الكبيره نوعين
sampling سحب عينات مرتبها يبدا من 300 ويصل الى 1000 او اكتر على حسب المكان والزيارات
chemist كميائى واحدات وتعمل على اجهزه التحاليل الطبيه فىالوحدات 400 جنيه

او معمل صغير تشتغل فيه سحب ويدوى وده على حسب مستواك الاحترافى وخبرتك يبدا من 300
وبتكون المده فيه قليله

الجوده :

لايعمل الكثير منا فى الجوده على الرغم من فلوسها الكتير ولكن لاسباب الاتيه

الجوده يعمل بها خريجى الجامعه العماليه بتخصص يسمى حوده
خريجى هندسه
خريجى علوم

وتنقسم الجوده الى جوده معمل وهى تابعه فى الغالب الى مدير المصنع وجوده انتاج وهى تابعه للانتاج
يعنى واحده سلطه والتانيه فلوس اكتر
المرتبات فى الشركات المحترمه تبدا من 800 +200 يعنى حوالى الف


البترول :

وده انا سمعت عنه كلام كتير اوى
اول حاجه شركات خدمات بتروليه ودى مرتبهازى ماسمعت حوالى لف ونص ووحشه
شركات البترول ودى لن اتحث عن مراتبتها عشان الحسد 2000 دولار:crazy000:

بتشتغل فى المعمل او بتحضر mud وهى الواد المسئوله عن زوبان التربه
بصوا انا زهقت اى حتى فيها معمل اى كان ممكن نشتغل فيها
وياريت اسمع الردود والتعليقات ورسائل الشكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هااااااااااااااام لطلبة الفرقة الاولى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
3loom 4 ever :: دردشه-
انتقل الى: