لو انت دكتور فى كليتنا

ده لو انا دكتورة فى كليه العلوم


ده انا هبدل الطلبه ، كل اللى اتعمل فيا لازم ارده ليهم

لالالالالالالا
ده هزار


بجد اهم حاجه انى هحاول انى مش اكرر اى حاجه وحشه اتعملت فينا كل حاجه حصلت من حد وضايقتنى هحاول انى مش اكررها وهحاول انى اعمل الحاجات اللى كان نفسى الدكاترة يعملوها معانا واهم حاجه اراعى ضميرى ف الطلبه دول


رجاء: نرجو من الجميع المشاركه ف هذا الموضوع

السلام عليكم
ملحوظه ورجاء
بعد إذن السادة الكرام أعضاء المنتدى
رجاء اى مساهمه ترفيهيه سواء كانت نكت او فوازير او اى مواضيع تتصف بالكوميديا الرجاء ان يتم وضعها ف القسم الفنى هنا بدلا من المنتدى الاول يعنى نحاول ان المنتدى الاول يكون للمواضيع العامه الى حد ما هذا مجرد رجاء
ولكم منى وافر الشكر والاحترام
والسلام عليكم ورحمه الله وبركاته

بعد اذنكم يا شباب انا معترض اصلا علي السؤال

لانك حتي لو بقيت دكتور هتعمل ايه يعني

احب اصحح السؤال لو بقيت وزير الدوله للتعليم العالي والبحث العلمي هتعمل ايه

اما الاجابة فهي بسيطه جدا

اولا : عايز تكون دكتور جامعي طبعا لازم دكتوراه وده عارفينه بس مش دكتوراه واحده وتنام عليها باقي عمرك يعني عايز تدرس للطلاب يبقي عليك انك تحضر دكتوراه كل 7 سنين وده طبعا علشان الناس اللي مش فاهمه هي بتقول ايه وبلاش نجيب سيرة الناس اللي مش داريه اصلا هي بتقول ايه وعامة اللي مش عاجبه هو حر يتفضل في مكتبه معزز مكرم دكتور متفرغ للابحاث ومشرف علي الدراسات العليا والحل ده اولا هيفتح مجال لناس جديده فاهمين احنا بنفكر ازاي وهنا يبقي فيه تواصل اجيال لان بصراحه فيه فجوة رهيبه بين طريقة تفكير الدكتور وطريقة تفكير الطالب وثانيا الحل ده هيريح الطلبه وانتوا عارفين ده طبعا .

ثانيا : الحل اللي فات ده طبعا للدكتور اقل من 55 سنه اما بعد ذلك نظرا لخوفنا علي صحة الدكتور من المناهده مع الطلبة وخوفنا ايضا علي مرارة الطلبه هنا اللي يعدي 55 يتفضل معزز مكرم مع الف سلامه في مكتبه زي ما قولنا .

ثالثا : يكون هناك متابعه ومراقبه من الوزاره علي الدكاتره و يكون فيه معيار لوضع الامتحان ومتابعه علي تصحيح الامتحانات لان الكليه ديه مش تكيه كل دكتور يعمل فيها اللي عايزه ( ملحوظه : التكيه تعني الوضع الحالي للكليه ).

رابعا : الاخ اللي سقط او شال ماده مش بالضروري يكون غبي والدكتور هو اللي علامه نحل الامر ده بانه فشل انه يفهم من الدكتور تاني مرة لازم نغيرله الدكتور اللي بيدرس الكورس لعل وعسي لان فيه ناس بتشيل الماده بالخمس مرات و حالل صح بس الحل مش علي مزاج الدكتور المبجل المعظم واترك اليكم التعليق علي هذا الامر .

اخيرا : يا جماعه ده جزء بس من الحلول المقترحه لحل ازمة التعليم العالي في مصر وكل ده دون التطرق لمشكلات التعليم الاساسي و سوق العمل علشان بس اقولكم ان كل حاجه ليها حل بس احنا بنحب نستهبل .

وعامة هرد برضه علي سؤالكم

لو انا دكتور هعمل ايه

اولا : ده الاهم هعامل الطلبه طبعا معامله ادميه ومن منطلق انهم حبوني اقدر اعمل اي حاجه هيتقبلوها برضا شديد .

ثانيا : هدور في المراجع العلميه الحديثه واجيب احدث منهج موجود مش مناهج من العصر الفرعوني زي ما بنشوف .

ثالثا : كتاب كبير مفصل تفصيل اكثر من رائع للكورس الحديث اللي بتكلم عنه وده هيكون نصين نص باللغة العربيه لغتنا الام والنص الاخر الكورس الاصلي باللغة الانجليزية الاكثر انتشار في العالم .

رابعا : طبعا مش هدرس الكتاب كله لا احنا هندرس نقط وموضوعات معينه هيتم اختيارها بحيث لو قرات باقي الكتاب تقدر تفهمه بسهوله .

خامسا : الامتحان يكون 5 اسئلة منهم 3 اسئلة مطابقين تماما لكل اللي اتشرح واتقال في المحاضرة بحيث كل الطلبه يحلوهم وسؤال يعني عايز تفكير قليل من الطالب اما السؤال الاخير للعباقره فقط .

سادسا : اصلا لو طبقت الكلام اللي فات صح لو عايز ادبح الطلبه في التصحيح وده طبعا مش هيحصل برضه هينجحوا.

اخيرا : عمري ما احب ولا اتمني اكون دكتور في الجامعه .

وشكرا ليكم علي هذا الموضوع الرائع

[center]
ياااااااااااااااااااااااااااااااااااااااااااااااااااااااااااااااااااه كل ده
دانت شكلك طالع عينك في الكليه دي

i love conan senshi so much